عشگ شاهين

Parte 9 عشگ الشاهين

صگر جان كاعد يسولف ويه حبيبته بالتليفون ومندمج ويحجيله عن عرس اخوهه وشلون مكيف بيه ويتمنه اخوه شاهين شي يوم يقتنع ويفكر يزوج بهل اثناء سمع صوت شاهين ودعه وراح كله شاهين

شاهين

شسمهه الي براسك

صگر

مرام اسمه

شاهين

شنو. قصته امنين بتمن وين أهله شنو وضعه

صگر

كل قصه ماعده دخلت برأس الشيخ صگر ومن أحط عيني على شي. اجباري اخذه بالبدايه جانت مجرد رهان البنت الصعبه الي محد كدر يأخذ نضرهه منه. تراهنت ويه جماعتي عليه

شاهين

( كال بغضب )

شسويت

صگر

هدي ياخوي. اسمع للاخير. بوسط هل رهن وهل مراهنه. واني احاول اوگعه بشباكي. كالتلي. اسمع أني زين اعرف شنو نيتك انته وشلتك. بس احب اكلك لا انته ولا غيرك تكدر تحرك شعره براسي اني هيبه اخوي فوك رجال

من گال هيج صگر. رجع شاهين للماضي اذكر من فاتحه بموضوع اعجابه بيه وشلون هيه قبلت اول مافتحه بالموضوع

رجع كمل صگر. كلامه وكله

صگر

وراها صدكً دخلت كلبي وحبيته وكتله شتردين أني حاضر. اتگليلي اخطب من باجر كل اهلي ادزهم. بعدين عرفت أني شغلتي صدك بس لليوم ماسولفت وياها كدام احد ولأحد بالجامعة يدري بسالفتنه

شاهين

زين هيه منين منى أهله

صگر

هيه من هل بغداد من الاعضميه عده اخ واخت اكبر منه. الي اعرفه اخوهه تاجر يعني اغلب وقته مسافر وأخته. شخصيه تتمجد. دكتور تخدير وبنفس الوقت درس بجامعه اهليه. واعتقد هل فتره عده بحوث بجامعه بريطانيه وأمه. مره جبيره وابوهه متوفي

شاهين

هيه تدرس صيدله وياك

صگر

اي ويايه نفس المرحلة

شاهين

بيه الخير بس لازم اسال عنه

صگر

هههه. انه اخوك غير رحت سالت. يمكن هههه كل باب بالاعضميه دكيته الحمد لله الله مابلاني بحب وحده مو كفو

من كال صگر هيج شاهين صفن صفنه طويله وكال

شاهين

يله أني اروح انام

مر الوقت واليوم حنتي أني وفهد كلشي يمر بسرعه. العرس عرسي واني ورده مامشتريه. العالم فرحانه ومكيفه. واني كل الي احس بي خوف من المجهول.

فهد فوك شينه كوات عينه. ٢٤ ساعه عصبي وروحه طافره ويباوعلي بكل حقد عبالك مدري شمسويه اخر شي. سكتت شيصير خلي يصير. بدت الحنه ونتهت واني ماعرف شصار وشدار كاعده كاشخه والعالم تتغزل بجمالي أوزع ابتسامات الرايح. والجاي واني كل ذره بيه صيح كافي تمثيل

خلص اليوم. واليل شطوله وشيخلصه. ثاني يوم هم ماعرف شصار فجأءه شفت فهد بصفي طالع. جنه امير. حلو وانيق وكل البنات تباوعله باعجاب.

واني الي لازم أكون مرته. بس أني فاصله عن الكل. من طلعت من بيت ابويه وصعدت بالسيارة. سد الباب وصعد هو يسوق.

جان يكول

فهد

- شبيج كالبه خلقتج. ولو حقج. بيمن. جنتي تحلمين واليوم. المن تنزفين وربج لطلع. كل قهره وضوجه. مهانه ومذله حسيت بيه. منج مضاعفه بس اصبريلي. اله اراويج انجوم الضهر

هههههههههههه هذا حبيبي الي كل عمري احبه واتمناه وانتضر أشوكت اصير مرته. عروس بثوب العرس وهذا الكلام الي كوله الي يا حضي الحلوووو بس هذا كله مجان مهم عندي. الي بيني وبين فهد منتهي. م**ور ومايصلح. والكلام اصلا ماله داعي

رحنه للفندق. طول الطريق. هو طاير ومن صير سيارات بصفه يگوم يضحك ويهوس. وياهم. اخر شي. وصلنه للفندق. دخلنه شاهين. ويانه وعمتي. وراها راحو. بقيت بس اني وياه. واگفه بنص الغرفه. احس روحي غريبه. وحيده تعيسه. هو صافن عل شباك. جان يكول.

فهد

شگد حبيتچ. وحلمت بهل يوم. وجنت اتخيله يصير. قصه من الخيال. بس هههههههههه. هسه كاره روحي لان واگف بصفج. كاره روحي. لان. انتي مرتي. راح ابقه كل عمري عايش ويه هل احساس. بس اكيد راح الكاها الي صير مرت الشيخ فهد والي تسمه على اسمه. المره الي اتباها بيه واحجي بزودي. واكول. هاي مرتي واني رافع. راسي.

كال هذا الكلام. وندار عليه. بلحضته. ماكدرت الزم دموعي. اول مندار مسحت دموعي. ودرت وجهي مستحيل اخلي يشوفني واني بهل وضع. رحت اتجهت للحمام اني وبدلتي دخلت آباؤع على روحي. ههههههه هاي تاليتي

تالي كل هل حب والوفاء. والقهر والضيم اسمع هذا الكلام. بهيج يوم. سبحت. غسلت كل هذا الصخام الي مسوياتلي إياه. اباوع وجهي روح مابي. اريد اصرخ واكله ليش شصار شنو ذنبي اني شسويت ليش هيج تعاملني.

بس يا فهد. يجي يوم وتجي تتوسل بيه ولو تموت يا فهد. مراح ارجع الك

من طلعت مالكيته آباؤع كلشي حولي مخيف احس كلشي بارد ومابي روح.

لفيت روحي بالفراش ونمت واني شعري مبلل ولابسه هههههه سيت نومي الأبيض. لان الحقيرات ممخلياتي بس ملابس طلعه ونوم.

حسيت الصبح على شي دافي يم وجهي انتبهت انفاس فهد كلش قريب مني انفاسه. بوجهي. من فتحت عيوني. هو بتعد. وكال

فهد

فضيني بسرعه بدلي ورانه طريق طويل. وسفر

مريم

ليش وين مسافرين

فهد

مع الأسف مجبور أخذج وياي لتركيا

نهضت ونسيت اصلا اني شلابسه وفهد موجود. احس روحي حيل تعبانه خاويه. مابيه حتى امشي. رحت بدلت وكملت. رجعت. كال الجنط كامله اصلا مافتحنه شي اخذنه جنطنه وطلعنه كتله

مريم

اهلي وين. ليش عمه وجدو ماكو محد راح يودعنه

فهد

ماله داعي شكو جاين كتلهم روحو شكو جاين ايشوفون هل وجه الفلح

بكل مجال جان يصير عده يهيني يذلني. يستصغرني. وصلنه وجمال البلاد. وكل البيه واني احس روحي بعالم ثاني. واحد ينام يكعد يلكه كولشي ضلام وسواد

هو وصلني للشقه واختفه ماعرف وين راح. لا اكل لا شرب لا اعرف احد شقه مابيه بطل مي. وماعرف حتى احد ولا عندي لغه حتى اطلع اشتري. يومين اني مادري عنه. صرت حتى شوف ماشوف

وراها. ماعرف. شصار. بس فتحت عيوني لكيت روحي بالمستشفى هو كاعد يم راسي. ونايم.

صافنه عليه فتح عيونه لحضه شفت نضره الخوف والحب والاهتمام الي جنت اشوفه بس لحضات وختفت كتله

مريم

كافي. خلص لهنا حدي

فهد

هاااا

مريم

ماريد اكرهك. خلص حبي الك انته. بس لتخليني اكرهك

فهد

هههههههههههه. لا لا الله. عليج خاف مترضين. لا شهل كلام شلون اعوفج كل عقلج مريم هو اني شمسوي ترى جاي ارتب وضعي. مصفالج مو اكثر

هذا شنو قصده. معقوله نفسه هذا فهد. الي حبيته لا مستحيل واحد ثاني. يومه بتت بالمستشفى من طلعت ورحت للبيت. لكيت اكل. ومسواك هو وصلني وطلع مثل عادته

ميته جوع سويت اكل سبحت. وكعدت لزمت تليفوني حاجيت اهلي وصلتلهم. فكره انو اني عايشه بالنعيم الي ماكو مثله والكل حاسدين طالعه شهر عسل بتركيا. وهل سوالف.

وره فتره اجتني رساله. من رقم ماعرفه.

مجهول

هاااا اخذج وتهنه بيج مكيف هسه صرتي اله. اخذج مني

مريم

عفوا بس منو حضرتك

مجهول

ليش شنو نسيتي. حبنه وعشكنه. وسهرنه

من شفت هيج خريط شمرت التليفون ورحت نمت. مالي خلك ناس تعبانه. هو اني مال حب وسهر وهل سوالف