Gabi na ng makarinig ako ng ugong ng sasakyan sa labas ng bahay namin. Medyo malapit sa carport naka-locate ang aking silid kaya naman alam ko agad kung may bagong dating na kotse, pabor sa akin yun sapagkat palagi kong inaabangan ang pag-uwi ng aking ama galing sa trabaho. Hindi kasi siya pumapalyang pasalubungan ako kaya excited ako palagi sa paghihintay sa kaniya.
Subalit iba na ang sitwasyon ngayong patay na siya. Wala na akong ganang tingnan pa kung sino ang dumating, it doesn't matter anymore. Yung nag-iisang taong may pakialam at nagmamahal sa akin ay nasa kabilang buhay na. Kasabay ng pagkamatay niya ay pagkamatay din ng kalahati ng aking pagkatao. Sobrang sakit.
Nakahiga lamang ako sa aking kama at nakatulala sa kisame. Ilang linggo na ang nakalipas pero hindi ko alam kung kaila
