KAIRI'S POV
Iminulat ko ang aking mata. Napatingin ako sa paligid. Nasaan ako?
Nakita ko si Avriella sa tabi ko. Agad ko siyang tinanong.
"A-asan ako, Avri?"
Napatingin siya sa 'kin. "Mabuti naman at gising ka na. Andito ka ngayon sa bahay ko."
Mabilis akong bumangon at tinanong nang may naalala ako. "Avri, si Clyde! Nasaksak siya! Kamusta na siya?"
Tinignan niya ako ng may pag-aalala. "Huwag ka munang gumalaw-galaw, Kairi. Si Clyde, ayos na siya, mabuti at napagaling mo siya agad."
Jusko! Mabuti naman at ayos na siya. Humiga ulit ako.
"Nga pala, Avri, ilang araw na akong walang malay?"
Bumuntong hininga siya. "Dalawang araw, Kairi. Talagang naubos ang enerhiya mo sa nangyari, bago mo lang kasi itong gamitin kaya agad kang nahimatay nang matagal. Kaya dapat magpahinga ka lang,
