Pagkagising ni Viz kinabukasan, unang-una niyang ginawa ay ang sapuhin ang ulo. Animo mabibiyak iyon at malakas na pumupulso ang mga ugat niya sa sentido. Nakahiga siya padapa at nakadiin ang mukha niya sa malambot na unan. Napamura siya at pilit na hinila ang sarili paupo. Isinandal niya ang likod sa headboard ng kama at binalikan sa isipan ang mga nangyari nang nakaraang gabi, ngunit wala na naman siyang matandaan.
He blacked out again after drinking too much.
Ni hindi niya masabi kung paano siya nakauwi ng bahay niya, at kung paano niya narating ang kama niya. Sinuri niya ang sarili. Buo pa naman siya. May kaunti siyang pasa sa bandang siko na marahil ay tumama sa kung ano habang naglalakad siyang lasing. Masakit din ang tuhod niya at ang gitna ng mahabang buto niya sa binti. Tumama r
