عشق المُعممَ

٢

الحب يوجد

حيث يلتقي الألم بالمغفرة..

••

رواسي.. مثل كل مره فتحت عيوني **لانه.. ومشابعه نوم آسمع صوت علي و خالتي جوأ .. يتريگون .. اليوم علي ما زعجني منه من الشيطان.. بس اعتقد ﻻن يريد يروح للدوآم وما حب.. يكعدني.. كمت بعد مده وعرك وي نفسي والحآف واتوسل بي.. يرحمني من هل دفُـو .. ﻻن اني شخصياً ضعيفة كدام هيچ دفو خصوصاً من فراشي الجميل..

غسلت وجهي بسرعه بالحمام ونشفته ونزلت اركض بملابس نومي.. الترآك الوردي… لـ لولو گاتي.. دخلت المطبخ ركض.. واني اصبح عليهم..

علي.. بعد وگت يا خانم ..جان گلتي اخوج يريد يروح.. اكعد من وكت شويه ..اسويله ريوك..

.. اكول نقيب علي يوميا منو يجرني.. من فراشي.. ؟ ويذب عليه مي ..لو يصرخ عليه مثل الوحش واكعد اركض مثل المخبله..

خله لگمه بحلگه.. لج ضاهر تعودي علئ هيج اشياء.. اصغر جندي عندي.. ما يتحمل هل عذاب صباحي.. كوليلي؟ اذا حبيتي عندي طرق جديدة..

ام الياس.. تعاي يمه اكعدي اتريكي وعوفيه.. طلعي كوبج و تعاي..

تجاهلته واني اطلع لساني اله.. بعد ما أشرلي بسيطه.. ضحكت وكعدت يم خالتي .. خلصنا ريوك بسرعه.. وعزلت الموأعين وغسلتهم اعرف هل شي مو شغلي.. وشغل ام كرار مريه فقيره كلش.. وعدها بنات يتامى تجي تشتغل هناً.. والياس وعلي دائماً ينطونها فلوس.. واي شيء تحتاجه قبل ما تكول تلگاه صار.. بس اني احب البيت نظيف وما احب اشوف المواعين بيها وسخ لـو بسنك..

طلعت واني انشف ادية بمنشفه ونظراتي لـ علي و خالتي وأكفين بالحوش.. وهي تـودعه يريد يروح للجيش.. نظرات السود مغطيه عيونة.. وشعره نازل على جبينه وسماره تضرب عليه الشمس.. مخلتيه يشرق ويلمع.. لابس ملابس عاديه مدني.. بدي اسـود فوكه ستره جلديه جوزيه ..وبنطرون اسود .. اشرلي من بعيد بـ اصبعه معناها تعالي رحت عليهم ..

علي.. خلي بالج ممنوعه طلعه ست رواسي ..مفهوم؟

گلبت عيوني.. سيدي اكول اني وين طالعه مثلأ ؟ غير المدرسة والبيت.. من البيت للمدرسه.. ومن المدرسه للبيت.. ومن "

سگتني وهو يضرب بـ اصبعه رآسي..

.. ابجي بعد ابجي.. تعرفيني كلش زين اخاف عليج انتي وأمي.. والياس هم خابرني گلي يوم يومين ويرجع.. يلا اتوكل ..اني..

ودعنأ وطلع من بعد ما خالتي خلصتها ورأ قراية وآيات تحفظه من الطريق ومن كل شرّ.. وهو يگول خلي اروح لأ تختم القران امي.. رجعت لغرفتي واني اشمر نَفسي على سرير.. وعيوني صارت بسكف..

الياس حتى ما اتصل ولا اطمئن علية..

بمكالمة ..

هيج اني صرت مخيفه بحياتة..

صرت طفلة يروح ويتركها شهر شهرين..

ومن يجي ينطيها فلوس..

وديري بالج على نفسج بس،

لهل درجه الياس .. اني عندك ولا شي..

دمعه نزلت لخـدي مسحتها بحـده واني اسمع صوت خالتي من جوآ تريدني.. نزلت اركض..

رواسي.. ها خاله صحتيلي؟

ام الياس.. أشرت عليهاً بـ ايدي.. تعاي يمه ..

رحت كعدت على سريرهاً.. خير خاله شكو؟..

ام الياس.. بنتي رواسي خابرني الياس ويگول جاي بالطريق شي ساعه لو اكثر ويطب بغداد.. خابري ام كرار خلي تروح للسوك وتجيبلي نواقص وتجي تطبخ.. ﻻن ما ضل وكت يمة..

نبض گلبي بداخل ص*ري بعنفُ فرحانه لو تعيسه بجيته؟ داسال گلبي الضعيف..

.. صار خاله راح اتصل..

اخذت جهازها واتصلت على ام كرار… وگتلها كل شي.. و خالتي كل شويه لا تنسين.. ام كرار.. من وكت قبل لا يجي.. فرحانه بجيته امه..

مو مثلي دأحس بـ الم فضيع بگلبي..

ورا شي نص ساعه لو اكثر اجتي ام كرار..

وجايبه السوك كله..

وياها..

دخلت ساعدتها وكملت تعزيل المسواك وياها..

واني بالي ولا يمها ابداً..

ام كرار.. خاله رواسي شجاج وينج؟

طلعتني من شرودي.. ها خاله وياج..

ام كرار.. وين وياي صارلي ساعه ارطّن وحدي.. يمه روحي كملي دروسج اني اخلص تعزيل واسوي غده..

رواسي .. لا اليوم جمعه خاله فد عوفيني اساعدج احسن من الزم الكتاب واني مصخمة بي ولا اعرف ..

ولا طكـه..

ام كرار.. ههههه ياا چا انتي مثل بنتي اكلها اقري.. تكلي والله افتح الكتاب وكـل شي ما افهم منه..

منين يجبوهن هل معلومات…

ضحكت .. خاله رحمه الله لو تشوفين الكتب الي عدنه.. تكولين حرام اذا واحد ينجح.. منهاج جايبن.. من كوكب زمرد..

دخلت خالتي..

ام الياس.. يلا ام كرار خيه هّمي ايدچ اريد غده زين ﻻبني.. وانتي يا يمه رواسي اصعدي ليفوك غيري ثوبچ.. هذا..

عقدت حاجبي واني اباوع عليهاً..

ام الياس.. لا تباوعين هيچ ولج راح تقابلينه بهل تراك هذا .. چا هاي هي ربحنا..

رواسي.. بس خاله اني؟

ام الياس.. روحي يمه غيري ملابسج وتعاي ورآي لغرفتي عندي موضوع وياج قبل جيت الياس.. يلا شمالچ واكفة مثل الصنم..

هزيت رأسي بـ اي وصعدت ركض لغرفتي بدلت ملابسي.. اعرف كل زين خالتي تحاول تقربني منه..

بكل طريقه بس ما تعرف ابنها شايل حجر..

مو گـلبِ..

وما يحّن علية ولا يفكر يحبني..

غير بـس بـ احلامي..

تن*دت واني ابتسم من بين دموعي..

اصعب شعور يّمر على بنيه من ترفض من واحد تحبه..

جربي يا رواسي مخاسره شي..

لبست احلئ لبس عندي..

گـلابيه خضّره مثل القفطان..

ورفعت شعري كيكه نـزلت خصلات من شعري..

علئ وجهي..

ولُونت شفايفي بحمرّه ورديه خفيفه..

دآخلي مسكاره اندك الباب.. مدت رأسها..

ساره.. يا حلوه مشتاقين..

رحت حظنتها وبوستها.. يا عوبة اني اكثر ليش مختفيه ها؟ ولا سألين علية حتئ.. هي هاي صحبه.. يا بومه..

ساره .. يمه يمه أكلتني وشربتني.. ضربتها على آيدها.. انتي شنو لعد بلا مو تعرفين دراسة صخام لراسي.. وامي تعرفيها كل زين اكثر وحده.. مطينه عيشتي.. وما تخليني اجي منا لو منا... الإ وياها

أتن*د واني أكعدها.. وشعجب اليوم طلعتج ست احلام.. ﻻزم مشتاقة لأختها.. ولو هي ما تعرف تشتاق..

ساره.. رفعت حاجبي.. لچ رورو لسانج طولان..

زعلت ..

ضحگت.. انجبي داشاقة بعدين تعرفين كل زين احب.. خالتي احلام.. ﻻن اولاً تصير اخت خالتي..

وثانياً لان هي امج يا عوبه.. بغض النظر عن كرهه اليَه..

بس اهم شي انتي..

ساره.. ههههه اكليّ عقلي بهاي سوالفج..

رواسي.. هاي ﻻن احجي الصدوك صرت اكـلّ بعقلج.. المهم خير يا طير.. شهل ضحگه الحُلوه ها؟ غمزت بمگر.. لازم اكو شيء جديد مو؟..

ساره.. ابتسمت.. ولا شيء بـسَ راح اعيش لنفسي بعد.. احسن ما انتظر حب فاشل من طرف واحد..

قررت ابتسم واضحك وأترك كل شي ورا ظهري..

اتن*دت واني اسمعها..

ساره.. تعرفين كل زين علي ما طايق يشوفني..

ولا عنده آمل انو يزرع حبّي بگلبة ليش اتعذب اكثر من هيج.. رواسي.. واني اصلا ما استحقة.. هههه مريضة بالقلب منو واحد يقترب منها.. وحتى مو جميلة.. ولا مثل البنات عندي شي مميز.. بعد شنو أباوع ليفوك .. اخاف لا تنگسر رگبتي..

ضربتها بقهر.. لج انتي الف واحد يتمناج لا علي ولا بطيخ فاهمه.. وهل مرض ترآ مو عيب البشر مريض بكل شي وما محّصن نفسه منه.. والجمال جمال روح.. ﻻن وداعتج اخرتنآ للتراب.. وبنسبه لـ علوش تعرفين كل زين يگول ما اشوفها غير آختي الصغيره..

ويحبج مثلي وهم اكثر..

ساره.. ابتسمت واني اهـز راسي.. اعرف خلاص سدي الموضوع ..

اجيت احجي.. ما احسيت الإ بـ ام كرار دخلت وتگول اجه الياس.. نبض گلبي بعنفُ.. واختنكت فجآه..

توترت وحسّيت نفسي داخل بحر..

داصارع حتى اعيش..

اعرف تكولون مبالغة..

بس حالتي هيج من المح ظله..

يهتز كياني وتتخربط احوالي..

جرتني ساره ونزلنتي جوآ شفت ظهره وهو منحني..

يبوس براسها لأمه..

ظهره الصلب واگتافه العريضه..

مغتطيتها العباه السوده..

وعمامته البيضة..

تغطي شعره الفحمي..

سلم على الگل ودار وجهه اليّه..

عيوني التقَت بنظرآته الدافيه..

وسودآهن بـ سوادي المشتاق..

اقترب مني بخطواته الثابته..

نزل لوجهي وأني حبست انفاسي وغمضت عيوني.. بقوه...

الياس.. ما مشتاقتلي ..؟

يهمس بصوت خّشن وهو يطبع بوسة علئ جبيني.. هزيت راسي بـ اي.. واني افتح عيوني..

.. شلونك..

الياس.. اذا انتي بخير اني بخير..

رواسي.. الحمدلله.. آني.. دنكت ﻻن وجهي اعرفه راح ينفجر من الحمار..

الياس.. ابتسمت واني امسّح علئ شعرها.. يستاهل الحمد ابـويه..

ام الياس.. يلا يمه جوعان مو للسفره يبعد امك..

الياس.. ضحكت ..ام الياس من عيوني اغسل واصلي.. وأجي ارخصيني خاله ام محمد..

ام محمد.. مرخوص يمه روح اترتاح وتعال على راحتك..

صعد وآني نظراتي تلأحگـة ورا مثل الطفل الفاقد امه.. ياربي دخيلك شهل جمال.. گـيك مصنوع بـ الذّ ..

الحلويات..

ام الياس.. رواسي يمه..

احم.. ها خاله؟

ام الياس. اصعدي ورأ يبعد امج وگلبها.. شوفي محتاج شي..

بلعت ريقي بخجل..

صـ صار خاله..

طفرت ركض واني اسمع ساره تگلي ..

.. اي مصدكتي طرتي..

عدلت شعري وضربت خدي راشدي خفيفه.. اصحي اصحي رواسي ركزي.. عليمن جايه.. عوفي جمال.. وركزي بالمضموم..

دكيت الباب بخفه ومديت رأسي.. سمعت صوت الحمام معناها ديغسل.. دخلت وقفتله للباب بخفه..

واني عيوني تمشّي على غرفته..

ملگيه بمتياز..

واللون البيج والاسود طاغي عليها..

والاهم من هذا كلة..

عطره تـارسها للغرفه..

اخذتني رجليه لـ عباته السـوده اليّ جانت على كتفه من شويه..

خليتها على خشمي.. واني أتنفس بعمقّ..

اوف يا الياس..

تركتها بسرعه واني اسمع قفل الباب ينفتح..

ركضت لباب وجاي اطلع..

الياس.. روأسي..؟

الزمت.. ابتسمت بخجل ومستحئ واني ادير وجهي ..ويا ريتني ما درته.. بطرف المنشفه ..وعظلات ص*ره وگتفه تنزل مي.. عليهم.. بلعت ريقي.. واني اشوفة يمسح الميّ من شعره.. ويبلس بدي اسود..

الياس.. كـولي ابويه محتاجة شي؟

اقترب مني ..

رواسي.. خـ خالتي تكول..

الياس.. اي شتكول..

رواسي.. اذا تريد شي مني.. هي هي صعدتني..

الياس.. ابتسمت.. وأني اقترب منها اكثر.. غمضي رواسي..

.. شنو؟

الياس.. غمضي .. ابويه انتي..

رواسي.. عقدت حاحبي.. ليش؟

اتن*د وهو يقترب مني اكثر لدرجة شميت عطره.. وانفاسه تضرب بوجهي... غطه عيوني بـ أيده.. واني بدآت الكارثة تضرب بگلبي.. واصوات النبضاته تنسمع.. اسمع يقرآ ايات ومدري شنو.. يم جبيني.. لدرجه انفاسة الطيبه تضرب بوجهي..

الياس.. صدق الله العظيم.. افتحي عيونج..

ابتعد مني.. وهو يبتسم.. بلا توتر وخوف ماشي..

رواسي.. ماشي..

ترگني وهو يدير وجهه ويطلع سجاده الصلاة .. دأر وجهه الية..

الياس.. من ايـدانتج اريد الغدة.. تمام..

هزيت راسي.. بـ اي.. خمس دقائق ويتحظر الغدة..

طلعت ركض واني اشوفة يبتسم بحبِ ..

الإ اخليك تحبني الياس..

ما يطلع اسمي..

رواسي..

يا معممُ گلبي ..

____

يتبع غداً..

ترا هل روايه بيها جرئه.. ?

موعد تنزيل.. كل احد .. اثنين .. ثلاثاء .. اربعاء.

في حفظُ الرحمَن..?