Para akong nababaliw ngayon habang nagmamaneho ako. Labas kasi ang 24 ngipin ko sa loob ng helmet ko. Nararamdaman ko na ang pagbibigay ng interes sa akin ni Carmela. Konting-konti na lang, mapapasa'kin na rin siya.
Sa bahay ako nina Carmela umuwi. Naabutan ko pa si Tata Elmo na nasa ilalim ng sasakyan at nagkukumpuni. Napansin siguro nito ang motorsiklo ko kaya naman itinigil niya muna ang kanyang ginagawa at lumabas sa ilalim ng sasakyan.
"Ikaw pala, Ace. Naabutan mo ba si Carmela?" tanong nito sa akin pagkatayo. Ngayon ay ipinupunas ang maduming kamay sa damit na hindi na ginagamit.
"Uh, oo Tata Elmo. Hinatid ko na rin po sa loob ng eskwelahan niya. Tinanghali po talaga yata ako kanina kaya nauna na siya."
"Ay siguro nga. Halika at ipaggagawa kita ng meryenda. Dinalhan ako ni Mas
