BACKROOM BAR, MAKATI – Rear Exit
Hindi namalayan ni Psyche na may ilang kalalakihan na halos hindi na umiwas ng tingin sa kanya. Sa bawat pag-indayog ng katawan niya sa saliw ng musikang bumibingi, sumasama ang mga matang malagkit, mapanuri… mapanganib.
Napansin iyon ng bartender.
Napansin din iyon… ni Harrison.
Pero si Psyche, masyado nang nalulunod sa liwanag at ingay. Ngumiti siya sa mga kaibigan at bahagyang tumalikod.
“Guys, CR lang ako. One minute,” sabi niya bago lumakad papunta sa hallway ng banyo.
Paglabas niya—ang ilaw sa pasilyo ay mas madilim, mas tahimik. Isang segundo lang ang pagitan ng katahimikan at pagkagulat niya nang may biglang humawak sa kamay niya — mahigpit pero hindi masakit — at hinila siya palayo sa ingay ng bar.
“Wait—!”
Napahinto siya sa likod ng gusali
