“WHERE TO GO?” Tanong ni Davin kay Landon nang makasakay ito sa kotse. Tinignan niya ang mukha nito. Nakakunot ang mukha nito at halatang naiinis. Mukhang may narinig na naman itong hindi maganda.
“School.” Sagot ni Landon saka nito inilagay sa tainga nito ang earphone.
Napailing si Davin saka pinaandar ang makina ng kotse. Minaneho niya ito palabas ng compound saka pinaharurot nang makalabas sila. Tinignan niya ang oras sa kaniyang wrist watch. He sighed. Kailangan niyang maihatid sa school si Landon. May kailangan pa siyang puntahan pagkatapos niya itong ihatid. May operasyon sila ngayon, kasama niya ang grupo ni Leonard. Nasabi na niya ito sa mga pulis at alam niyang naghahanda na ang mga ito ngayon para sa isang raid na gagawin. As for him, he will act as one of Leonard’s
