Disco
Galing ako sa opisina para mag-over time. Nagmamadali akong sumakay ng taxi dahil gutom at pagod na ako. Kung bakit ngayon pa nasiraan ang taksing sinasakyan ko pauwi. Kanina pa ko hikab nang hikab habang hinihintay ang driver sa pagkukumpuni ng sasakyan. Tinitignan nito kung maaayos din agad ang taxi o kung kailangan ko nang bumaba at lumipat sa iba.
"Pasensiya na po, mam. Ganito talaga ang sakit ng kotseng 'to eh." Nagpapaumanhing sabi ng taxi driver na tingin ko ay sing edad ni papa.
"Okey lang po manong." Aantok-antok na sabi ko.
Ano pa nga ba ang magagawa ko kundi ang maghintay? Mag-aalas onse na ng gabi. Mahirap na rin makahanap ng taxi. Kailangan kong mag-over time kanina para tapusin ang presentation namin sa opisina. Maraming mga documents na kailangan kong i-submit sa
