Ulan
Napanganga ako sa aking nabasa. Sino ito? Para sa akin ba talaga ang mga text na ito?
Binasa kong muli ang dalawang magkasunod na text. Natigilan ako. Baka may stalker si Angelo? At sinoman iyon ay handang sugurin ako dahil nagseselos? At pwede akong sabunutan anumang oras. Gwapo si Angelo. Maraming babae ang nahuhumaling sa kanya. Hindi ko lang talaga siya magustuhan, ewan ko ba. Nasa kanya naman na ang lahat. May matinong negosyo at pamilya. Pero hindi naman kasi natuturuan ang puso.
Nakaramdam ako ng kaba. Binilisan ko ang pagkain. Baka nga nagmula iyon sa isang babae at nagagalit ngayon sa akin dahil sa biruan namin. Ang kulit naman kasi talaga ni Angelo. At hindi ko mapigilan ang pagtawa sa mga biro niya. Isama mo na roon ang mga pahaging niya na hanggang ngayon daw ay may g
