RICO POINT OF VIEW
Naalis ng brilyante na 'yon ang takot at kaba ko. Iniisip ko pa rin naman kung paano kami makakaalis dito ng asawa ko, 'yon nga lang ay nadagdag sa isip ko kung paano makukuha 'yon mula sa pader.
Pakat na pakat 'yon. Parang noong ginawa ang kastilyo na ito ay nasama 'yon sa pagpapala ng mga semento. Gano'n ba ito ginawa? O baka naman hindi 'yon napansin dahil gawa lang ito sa majika?
Bigla akong nabaliw kakaisip doon. Halos doon na nga nakatuon ang atensyon ko at isang kasalanan na naman ito. Hindi ako pwedeng makagawa ng maling desisyon. Ang asawa ko dapat ang intindihin ko ngayon at bantayan.
"Anong hindi niyo kaya?" inis na tanong ni Erin sa mga ibong kadarating lang. "Dalawa lang sila. Ang gusto ko lang naman ay itaboy niyo sila dito. Wala ba kayong mga silbi?!"
