ANIKA POINT OF VIEW
"Ang dami mo namang inorder," gulat kong bulalas habang nakatingin sa mga pagkain.
"Kahit ano kasi kamo. Malay ko kung ano 'yon. Mahirap nang magkamali baka mamaya hindi mo na naman ako mahal."
"Mahal na ba kasi kita?" pabiro kong tanong.
Tumigil siya sa paghihiwa ng steak at parang naisahang bata na tumingin sa akin. Tinaasan ko lang siya ng kilay at nginitian.
"Hindi mo pa rin ako mahal?" gulat niyang tanong.
"Mahal kita kung uubusin mo lahat 'yan," nakangiti kong biro.
"Mahal, ikaw, pinaglalaruan mo na lang ako."
"Ayaw mo?"
"Kakainin ko. Wala naman akong sinasabi," mabilis niyang sagot. "Oh, heto na po 'yung sa'yo." Mabait niya kong inabutan ng steak na nahiwa niya na. Sunod ay binalatan niya ang ilang hipon at inabot din sa gilid ko. "Enjoy ka, ma'am, ha
