RICO POINT OF VIEW
"Pupunta lang ako sa restroom," paalam ni Anika na mukhang kanina pa nag-aalala. Sinundan ko siya ng tingin hanggang sa makalabas siya ng kwarto.
"Nasaan na 'yung girlfriend mo?" biglang tanong ni Ace. Matalim ang tingin niya at mukhang nahuli na naman ako.
"Pinauwi nang maaga ng parents niya. Hindi pa kasi sila boto sa akin lalo na 'yung kuya niya," sagot ko.
"Talaga?" sabat ni Gino.
"Kilala mo naman 'yung kuya no'n. Strikto sa kapatid." Ngumisi ko para mapikon siya.
"Teka? Bakit parang ako ang nahuhuli dito?" salita ni Ace. "Kayong dalawa, akala ko pa naman hindi kayo ayos tapos ako pala itong pinaglilihiman niyo. So, gaano mo na katagal na kilala 'yung girlfriend nitong si Rico? Ha, Gino?"
"Matagal na. Siya ang nauna kaysa sa akin."
Ngumiti nang mapait si
