RICO POINT OF VIEW
Kulang isang buwan na silang nawawala at hanggang ngayon ay wala pa rin kaming kahit isang clue na nakikita.
Napanghihinaan ako ng loob. Hindi maganda ang naging gabi namin noon ni Anika. May mga nasabi ko na ngayon ay pinagsisisihan ko. Masyado niya naman kasing tinututuo, iniwan nga nila ko at ngayon ay mag-isa na lang ako. Wala sila sa tabi ko at ni hindi ko alam kung buhay pa ba sila.
"Mukhang swerte ka ngayong araw." Inakbayan ako ni Raven habang nakatago kami sa likuran ng mga halaman. "Ayon ang asawa mo." Turo niya kay Anika na namimitas ng mga prutas sa puno. May kasama siyang ilang lalaki at babae.
Dahan-dahan akong lumabas.
"Teka, saan ka pupunta?" Pagpigil naman sa akin ni Mama. "Ama, hindi ko nakikita ang apo ko. Itaboy mo muna ang mga kasama ni Anika."
