ANIKA POINT OF VIEW
"Ibang klase," nakanganga kong bulong habang nakatitig sa lottery ticket na hawak ko. "Talagang binibigay niya sa akin lahat ng gusto ko." Napangiti na ko nang mapait at talagang hindi makapaniwala.
Tumaya ako sa lotto kahapon at ngayon lang, nalaman kong ako ang tumama ng 53 Million. Solo at walang kahati.
Mabibili ko lahat ng gusto ko kahit hindi pa ko maghanap ng trabaho.
"Magsisimula na ang movie. Tara nang pumasok?"
Mabilis akong napatago ng ticket sa likuran ko noong dumating si Ace. May bitbit siya ngayong malaking bucket ng popcorn at dalawang softdrinks.
Ngumiti ako at sumunod na sa kanya habang pasimpleng tinatago ang ticket sa bag ko.
Napakaperpekto niyang boyfriend pwera na lang kapag nagseselos. Hindi niya ko inaaway at lagi lang nakangiti sa akin.
