RICO POINT OF VIEW
AFTER ONE YEAR
"Nathalie!" masaya kong bati sa kanya habang nakasilip sa pinto. "Ready ka na sa school?" tanong ko bago lumapit.
"Opo, daddy," masaya niya namang sagot habang umiikot sa salamin.
Gustong-gusto niya ang suot niyang uniform at sapatos. Kanina pa siya tingin nang tingin doon sa salamin na akala mo magpapakasal na ang baby ko. Erase! Erase! Ayokong isipin muna ang bagay na 'yon. Ngayon pa lang siya magsisimula.
"Tara na, late ka na," aya ko sa kanya nang makuha ang maliit niyang bag at baunan na ginawa ko.
"Wow, ang ganda naman ng apo ko."
Natigilan ako sa paglakad nang biglang dumating si Tita Kassandra. Kasama niya sina Mama at Raven na nakatingin din ngayon kay Nathalie. Humalik lang siya sandali kay Nathalie at muli nang naglaho.
"Galit pa rin si
