“Napakalawak naman pala ng impluwensya mo. Kung gano’n, bakit hindi mo iyon gamitin para mas mabilis mong mahanap ang salarin sa nangyari sa kapatid mo?” bigla ay nag-aalala kong tanong.
“Iyan din ang akala ko. Pero isang bagay ang napatunayan ko, pagkatapos pag-aralan ang bawat anggulo ng nangyari kay Charry. Hindi ordinaryong gang rape at murder ang ginawa sa kaniya. Nakuha na namin ang grupo na sinasabi ng mga pulis na dumudukot at gumagahasa ng mga sikat na artista at modelo. Pero ni isa sa kanila ay walang nag-match sa DNA at napatunayan ko na rin na hindi sila ang may gawa no’n sa kapatid ko,” mahaba niyang salaysay. Hindi ko alam kung ilang beses nanlaki ang mga mata ko at napasinghap dahil sa mga sinabi niya.
“Kung gano’n, ano ang dahilan at ginawa nila iyon sa kaniya? Napakade
