“Continue with the investigation. Hindi ako titigil hangga’t hindi nahuhuli ang mga lumapastangan sa aking kapatid. Tutulong kami sa paghahanap sa grupong iyon!” deklara ni Stan. Tumango naman sa kaniya ang mga kaibigan niya.
“Sa ngayon ay hawak na ng NBI ang mga DNA samples na nakuha sa kapatid mo for medico legal. Hinahanapan na ngayon ng ka-match ang mga iyon. Madali lang natin iyong makukuha basta mag-match ang DNA sa mga nasa database,” paliwanag naman ni General Marquiz. Maging ang presidente ay nakatutok sa kasong ito kaya halos lahat ng ahensiya ng gobyernong makatutulong sa kaso ay handang-handa sa pagbibigay ng tulong.
“General, mayroon sana kaming gustong ipakiusap ni Stan,” biglang sumingit si Charles kaya nasa kaniya na ngayon ang atensiyon ng lahat. Tinanguan pa siya ni St
