Kinabukasan ay magang-maga ang mga mata ko dahil sa nagdaang gabing pag-iyak. Mabigat pa rin ang dibdib ko at nasa isip ko pa rin ang lahat ng ipinagtapat nina mommy at daddy sa akin kagabi. Isa sa problema nila ngayon ay kung paano sasabihin kay ate na iba ang tatay niya. Pero sa huli ay napagkasunduan din naming tatlo na huwag na lang ipaalam sa kaniya tutal mukhang hindi naman na kailangan.
“Makinig kayong mabuti,” pukaw noong department head namin habang lahat kami ay abala sa mga trabaho namin. Agad namang natuon ang atensiyon ng lahat sa kaniya.
“Dadalaw dito mamaya ang presidente ng kumpanya kasama ang pamangkin niya kaya siguraduhin ni’yong maayos ang lahat ng madadatnan nila. May mga napagalitan at naparusahan sa ibang department dahil sa mga kapabayaan nila kaya ayokong may gan
