PAGKATAPOS nang pag-uusap namin na iyon ay pumasok na akong muli sa loob ng bahay upang balikan si Hera. Pilit kong kinalimutan ang kaniyang sinabi, ngunit hindi ko magawa dahil kumikirot nang matindi ang aking puso.
Masaya nga ba talaga ako gaya nang nakikita niya?
Iyon din ang akala ko noong una, pero nang bumalik siya rito sa Pilipinas ay napagtanto kong nagkamali pala ako. Nandito pa rin sa loob ng aking dibdib ang bigat ng parusa na ipinataw niya sa aking puso noon. Naghihinagpis pa rin ito at sumisigaw ng hustisya.
“I am here. Where's our daughter?” Blade asked when he went home. Bitbit niya ang kaniyang pagkain na in-order sa Villa-Riva Cuisine bago niya ako inaya papunta sa dining table.
“Pinatulog ko na. Nanghingi lang siya ng gatas sa akin kanina. Napagod din siguro ang anak
