Orientation day…
Sabay-sabay na nagtungo sa Centro University sina Trixie, Charlie, at Jackie para sa kanilang orientation. Siyempre freshmen, kaya mga excited sila sa unang araw ng kanilang eskwela. Pagdating sa kanilang paaralan ay nakita nila si Maggy na nakatayo sa labas ng gate ng kanilang University. Kumaway ito’t ngumiti sa kanila na agad din naman nilang ginantihan. Nang makalapit sila rito ay magkakasama na silang nagpunta sa school gym, para sa gaganaping orientation nila. Siyempre pa magkatabi na naman sila ni Charlie.
“Charlie, mukhang magiging Mr. Popular ka agad dito ah?” bulong ni Maggy sa kaibigan.
Hindi pa man kasi nag-uumpisa ang totoong klase, ay madami ng babaeng nagpapa-cute sa kaniya.
“Hayaan mo sila sis. Maglaway sila, hindi ko naman sila type!” aniya kay Maggy
