Chapter Seven
PARANG gusto na ni Alex magpakain sa lupa ng mga oras na ‘yon habang ipinapasok ni Santi ang sasakyan sa masikip na daan papunta sa kanilang bahay.
Alanganin naman kasi siya na sabihin na iiwan na lang ‘yon sa may barangay hall dahil baka may makialam naman. Isa pa, malayu-layo ang kanilang bahay sa baranggay hall. Di naman niya pwedeng paglakarin ang binata, baka magka-kalyo. Di naman niya ito pwedeng isakay sa pedicab dahil halos lahat ng pedicab doon ay bulok na, na parang kung may madaanan na humps na medyo mataas ay magkakaluray-luray na, at sa laki ni Santi, susmi! Hindi kaya ng pedicab driver ang boss niya.
Makailang beses na rin niyang sinabi rito na ‘wag na siyang ihatid mismo sa bahay nila kasi sa may bandang dulo na ng squatters area iyon, pero sadyang matigas a
