“Bitiwan mo ako!” ganting sigaw ko sa babaeng bigla na lang nanabunot sa akin. Pilit kong inaalis ang dalawang kamay niya sa pagkakasabunot sa akin pero sadyang mahigpit ang kapit niya. Napapangiwi na ako sa hapdi ng anit ko.
“What the hell is happening here?”
Napahinto kaming dalawa nang dumagundong ang malakas na boses ni Marco sa buong sala. Doon pa lang binitiwan ng babae ang buhok ko. Pareho kaming napatingin kay Marco. Ngunit nang makita ni Marco ang hitsura ko ay malalaking hakbang niya akong nilapitan.
“Addie, are you alright?” bakas ang matinding pag-aalalang tanong niya. Tumango lang ako.
“Sino ang babaeng iyan, Marco? Ang lakas ng loob niyang sabihin sa akin na girlfriend mo siya kaya–”
“Because that is f*****g true, Regina!” malakas na sigaw ni Marco sa kaniya. Nanlilisik
