Addie’s POV
Isang mabining haplos sa pisngi at halik sa labi ang nagpagising sa akin. Pagdilat ko ng mga mata ko ay sumalubong agad sa akin ang guwapong mukha ni Marco. Maluwang ang ngiti nito at halatang masayang-masaya. Pero kumunot ang noo ko nang mapansin ang namumula niyang mga mata.
“Umiyak ka ba?” nagulat pa ako dahil medyo minamalat ang boses ko nang magtanong. Hindi naman siya sumagot, bagkus ay sunod-sunod akong kinintalan ng halik sa mga labi. Tapos sa pisngi. Hanggang sa paulit-ulit niyang hinahalikan ang buong mukha ko.
“Teka, Marco! Ang OA mo naman yata!” reklamo ko na. Napuno na ng laway ang mukha ko.
Napayuko ako sa sarili ko. Nakadamit na ako at hindi na rin ako nanlalagkit o ano.
“Yes. Binihisan kita. Pero tulog mantika ka. Hindi ka man lang nagising,” naaaliw na ko
