NAALIMPUNGATAN akong may mabigat na nakadagan sa aking tiyan. Nang kapain ko iyon ay napagtanto kong braso iyon. Marahan kong binuksan ang aking mga mata. Medyo madilim ang buong silid. Nang lumingon ako sa kabilang gilid ay bumulaga sa akin ang mukha ni Gabriel.
Malalim ang kanyang tulog at bahagya pa itong humihilik. Napapikit ako at inalala ang mga nangyayari, at gano’n na lang ang panlalaki ng aking mga mata nang mapagtanto ko kung namagitan sa amin.
Babangon na sana agad ako nang maalala kong baka magising siya. Marahan kong kinuha ang braso niya sa aking tiyan. Nakahinga ako nang maluwag nang magtagumpay ako kahit na saglit akong napatigil nang gumalaw siya.
Bumangon ako ngunit agad na napangiwi at bumalik sa pagkakahiga nang maramdaman kong masakit ang aking katawan, lalo na sa
