Chapter 50
CLARA
Makalipas ang ilang araw na pamamalagi ko sa poder ni Lance ay hindi naging madali para sa akin. Katatapos ko lang mamalantsa ng mga damit ni Lance at naglinis ng buong unit niya.
Wala siya ng mga oras na iyon. Hindi ko alam kung saan siya pumunta. Ilang saglit pa ay nakatanggap ako ng tawag mula kay Tonton.
''Bakit napatawag ka Tonyo?'' tanong ko.
''Ate, kailan ka raw uuwi sabi ni Tita? '' tanong niya sa kabilang linya.
'' 'Di ba kauuwi ko lang diyan noong nakaraan?''
''Eh, kasi gusto ni Tita na tabihan mo man lang daw ang mga kambal. Mabuti pa raw ang ibang tao may malasakit sa mga kambal,'' ani Tonton.
''Ayan na naman si Mama, eh! Nagda-drama na naman,'' umupo ako at napabuga sa hangin.
''Eh, alam mo naman na mahal na mahal niya ang mga kambal, kaya gust
