Tiningnan ko ang aking sarili sa harap ng isang full-length mirror, hindi ko mapigilang mapangisi dahil bigla akong nagmukhang mayaman sa aking suot na itim na suit, ibinigay ito ni Amir sa akin dahil kailangan daw naming magmukhang may-class sa harap ng mga mayayaman kaya kahit na nangangati ako sa suit na ito dahil hindi ako sanay magsuot ng ganito ay tiniis ko iyon. Halos kaming lahat sa loob ng kwarto ay abala sa pag-aayos sa sarili dahil kailangan naming maghanap ng kliyente ngayong gabi.
"Mabuti nalang at saktong-sakto sa'yo ang suit." Sambit sa akin ni Amir at hinawakan ang aking tuksedo at inayos nito ang pagkakabutones.
"Tangina! Siguradong tiba-tiba tayo ngayong gabi, Amir." Ngingisi-ngisi kong sambit sa kanya.
"Basta alam mo na ang gagawin mo, Thad. Kailangan ko ring maghanap
