Nasa gitna ako ng pag-check ng vital signs ng pasyente ko sa Ward 7 nang marinig ko ang kaluskos sa hallway. Bumukas ang pinto at niilingon ko ang pinanggalingan ng tunog.
Agad na nanlamig ang batok ko. Pero nakahinga rin ako nang maluwag nang makitang iyong Janitor lang pala.
“Good evening, Dok. Maglilinis lang po. Naistorbo ko po ba kayo?” magalang na tanong nito.
Ngumiti at umiling ako. “H-Hindi naman po. Okay lang po.”
Itinuloy ko na ang ginagawa at huminga nang malalim. Napapailing ako. Kung ano-ano na lang yata ang pumapasok sa isip ko.
Pagkatapos kong mag-rounds, halos mahulog na ang balikat ko sa pagod. Gabi na, at gusto ko na talagang umuwi.
Habang naglalakad ako palabas ng main entrance ng ospital, bigla kong napansin ang dalawang pamilyar na pigura sa gilid ng driveway.
