حِكَايتْنَا غِير...

٤~امتحانات

كانت الفتيات فى حالة توتر وضغط من الإمتحانات ولكن يالسعادتهن بعد انتهاء كل مادة فرحات بقرب الإنتهاء من كابوس "الثانوية" أو كما يقلن "السجن"!!..

فى صباح أحد الأيام كانت الفتيات ذاهبات إلى امتحان مادة" الكيمياء"

التقت الفتيات امام المعهد متوترات ولكن على الرغم من ذلك مازلن صامدات بقدر طاقتهن

وما لفت انتباه الفتيات سديم الشاردة فى شئ ما..!!

سديم فى نفسها "العيال دول كانوا متجمعين ليه كدة؟؟!!"

شمس وعهد بتساؤل:سديم!!..بت ياسديم؟!

سديم:ها!!..فيه ايه؟!

حياة واسيل بدهشة:دة انتِ فى ملكوت تانى خاالص.

سيلا بمرح محاولة جذب انتباه سديم:ولا تكونى لا قدر الله خايفة من الإمتحان ولا حاجة هههه.

عهد بضحك:سديم!!!ههههه..أشُك!

سديم بغرور مصطنع: اه يابنتى احنا جامدين اووى..وهى تغمز بعينيها..احنا بعون الله مش بنخاف...

لتكمل ملك وانوار:احنا بنترعب بس.

...:هههههههه.وما كانت إلا نسمة غارقة فى الضحك مع الفتيات.

حياة بانتباه:يالا عشان الساعة بقت تسعة إلا ربع...اللجنة قربت تبدأ.

الفتيات فى صوت واحد: هاااا...هيا لحقت!!!!

سديم بصوت حاسم:قبل ما واحدة تنطق..خلاص استعينوا بالله كدة وادخلوا وإن شاء الله خير.

لتردد الفتيات:يارب خير إن شاء الله.

دخلت الفتيات الإمتحان مستعينات بالله وتوفيقه.

بعد مضى ساعتين

________________

بدات الفتيات بالخروج من لجنة الإمتحان،تقابلت سديم مع عهد خارج المعهد

سديم بتذمر:الإمتحان كان طويييييييييل اووى.

عهد:فعلا وكان فيه مسألة كدة صعبة.

ليأتى صوت من ورائهم ألا وهى حياة:كان فيه صعب وسهل بس الحمد لله عدى.

آيات:أنا هتجنن واحنا فى نص الوقت فيه كام بنت خرجت كدة وبيقولوا الإمتحان سهل جداااا لدرجة ان انا شكيت فى نفسى!!.

سيلا مكملة باندهاش:ايوة فعلا انا لسة فى السؤال التالت وهما خلصوا!!! لا وكمان الإمتحان سهل جداا!!

سديم بتفكير: مممم.... عشان كدة.

أنوار بتساؤل:عشان كدة ايه؟؟

سديم:وانا جاية فى الطريق شفت كام واحدة كدة قدنا متجمعين قبل المعهد بشوية ومعاهم تليفون وعمالين يتكلموا.

ملك بتفكير:مايمكن بيراجعوا عادى يعنى.

سديم بتحليل:لا دول كانوا كمان شوية هيدخّلوا عنيهم جوا التليفون دة مش نظام مراجعة أبدا!!!

نسمة بتساؤل:امال ايه؟؟

سديم:الإمتحان اتسرب!!!..عشان كدة فى بنات خرجت فى نص الوقت وقالوا الإمتحان سهل.

صدمة حلت على رأسهن جميعا وما دار فى راسهن "تعب طوال العام،مذاكرة،سهر بالليل،ضغط،توتر،والكثير والكثير..فى النهاية هل يستون؟!...ااااه مقهورة على أيام نومهن على الكتب،يالله"

سديم بتساؤل:ياعهد البنات اللى خرجوا فى نص الوقت كانوا...و....و......

عهد بتاكيد:ايوة صح..انتِ عرفتى ازاى؟؟

سديم:ماهما دول اللى انا شفتهم وانا جاية وكام بنت كمان.

شمس بحزن وغضب: يعنى خلاص هيبقى اللى ذاكر زى اللى ماذاكرش.

حياة: ما كنا مذاكرناش بقى من الأول احسن.

آيات بحزن:صح فعلا.

نسمة:متقولوش كدة وإن شاء الله ربنا مش هيضيع تعبنا إن شاء الله.

الفتيات بدعاء:يارب.

............................................

استمرت فترة الإمتحانات ويالسُّخرية قد تم تسريب جميع المواد الثقافية مما أحزن الفتيات بشدة،على تعبهم طوال العام،فى النهاية يستوين مع من كان يلعب ولا يبالى بشئ،هل يستوى من سهر الليالى على الكتب بمن أمضى الليل فى اللعب او النوم،هل يستوى؟؟!.....

ولكن مع ذلك مازلن مستعينات بالله،محسنات الظن بالله بأنه لن يضيع تعبهن،واثقات بقوله تعالى "إِنَّ ٱللهَ لَا يُضِيعُ أَجْرَ مَنْ أَحْسَنَ عَمَلاً".....

..............................................

مضت فترة الإمتحانات ولم يتبقى سوى مادتين فقط ألا وهما"التوحيد والتفسير"

وقد انتهى طلاب الثانوية العامة من امتحاناتهم،ومازال طلاب الثانوية الأزهرية لم ينتهو من الإمتحانات،وكانت هناك بعض اقول التذمر "يعنى احنا بادئين الأول وهما يخلصوا الأول!!حرام كدة" والكثير والكثير ولكنه الواقع..!!مجبورون على العيش وتقبله بحلوه ومره!!

..........................................

غدا اول أيام عيد الأضحى المبارك

مما سمح للفتيات ببعض الراحة من الإمتحانات وكحال كل البيوت المصرية من التزاور والتهادى وصلة الرحم فالله تعالى جعل العيد ولصلة الأرحام المقطوعة واعادة روابط الود والإخاء بين المسلمين وكعادة الأطفال الصغار يرتدون الثياب الجديدة فرحين بها وما يفرحهم أكثر "العيدية"...

سديم بسعادة:عارفين أحلى حاجة فى العيد ايه؟

سيلا بمرح:العيدية اكيد..ههههه

شمس:طبعا لا..اللحمة أهم ..هههههههه

سديم بابتسامة:بعيدا عن إن العيدية حلوة جداا وللحمة حلوة بردو بس الأحسن منهم صوت التكبيرات،وصوت الحجاج وهما بيلفوا حوابين الكعبة وواقفين على جبل عرفات وبيقولوا"لبيك اللهم لبيك،لبيك لا شريك لك لبيك،إن الحمد والنعمة لك والملك لا شريك لك"

سديم بدهشة:انتم ساكتين ليه؟؟يالا قولوا معايا.

الفتيات بصوت:لبيك اللهم..وسديم فى نفس الوقت:الله أكبر كبيرا

أنوار:بااااااس..ايه النشاذ دة..

نسمة:خلاص يالا هنكبر.

ملك:تمام يالا

الفتيات بصوت واحد:ﷲ أكبر الله أكبر الله أكبر، لا إله إلا الله، الله أكبر الله أكبر ولله الحمد، الله اكبر كبيرا والحمد لله كثيراً، وسبحان الله بكرة وأصيلا، لا إله إلا الله وحده، صدق وعده، ونصر عبده، واعز جنده وهزم الأحزاب وحده، لا إله إلا الله،ولا نعبد إلا إياه،مخلصين لو الدين ولو كره الكافرون،اللهم صلِّ على سيدنا محمد،وعلى آل سيدنا محمد،وعلى أصحاب سيدنا محمد وعلى أنصار سيدنا محمد،وعلى أزواح سيدنا محمد،وعلى ذرية سيدنا محمد وسلم تسليما كثيراً،الله اكبر الله اكبر الله أكبر، لا إله إلا الله،الله أكبر الله اكبر الله اكبر ولله الحمد.

أسيل بدعاء:يارب إن شاء الله فى يوم نكون على جبل عرفات.

سديم:عارفين ياولا.

نسمة وهى تضع وجها على كفها مستندة على آيات:ممم...حاسة بإيه؟!

سديم باشمئزاز مصطنع:بعيدا عن التريقة دى بس هقول...واستكملت بجدية:واحنا بنكبّر دلوقتى حسيت بفرحة كدة فى قلبى كأنى هطير وفى كل مرة بسمع التكبيرات بحس بفرحة فعلا قلبى لا يسعها وبسأل نفسى احساسى هيكون ايه وأنا واقفة قدام الكعبة أو على جبل عرفات!!..بجد نفسى اروح هناك ولو عمرة!!..

عهد:ربنا يكتبها لينا وللمسلمين جميعا يارب.

لتردد الفتيات:اللهم آمين.

......................................................

انقضت أيام عيد الأضحى المبارك وعادت الفتيات لاستكمال الإمتحانات.

أتمت الفتيات امتحان مادة التوحيد على خير وكان يسير وهذه عادة كل المواد العربية والشرعية تكون امتحاناتها يسيرة مقارنة بالمواد الثقافية،لم يتبقى سوى امتحان مادة التفسير منا أعطى الفتيات بعض الراحة،وياللعجب اليوم هو موعد ظهور نتيجة طلاب الثانوية العامة اى ظهور نتيجة" آسر " ابن خال سديم.

"اسر"شاب يبلغ من العمر سبعة عشر عام،ابن خال سديم وفى نفس الوقت يكون اخيها بالرَّضاعة،أكبر من سديم بشهر ومعها فى المرحلة الثانوية ولكنه فى الثانوية العامة فى القسم الأدبى،طويل،ابيض البشرة ذو عينان ملونتان إحداهما زرقاء والأخرى خضراء،شعر بنى مائل للأصفر.

.........................................................

فى بيت سديم

سديم بنداء وصوت عالٍ:ماما..ياماااما..

والدة سديم بضيق:بتصوتى ليه يابت مش ميت مرة اقولك وطى صوتك انتى بنت.

سديم: حاضر ياماما..المهم نتيجة الواد آسر هتبان النهاردة.

والدة سديم بدعاء: ربنا ينجحكم ويوفقكم انتم الاتنين يارب.

سديم:يارب انا هكلم خالتو كدة اشوف آسر عمل ايه.

والدة سديم:ماشى كلميها.

لتحضر سديم الهاتف لتقوم بمهاتفة والدة آسر

سديم:السلام عليكم.

والدة آسر:وعليكم السلام ياسديم.

سديم بتساؤل:آسر جاب النتيجة ولا لسة؟

والدة آسر بتوتر:لسة والله ياسديم فى ضغط على الموقع مش عارف يجيبها ادعى له.

سديم بتهدئة:متقلقيش خير إن شاء الله....شوية كدة وهكلمك.

والدة آسر:ماشى سلام.

سديم:سلام.

بعد مضى ربع ساعة

سديم وهى جالسة تسمع صراخ أختها حلا:آسر جاب ٩١ ياسديااااااااااام.

لتنهض سديم فرحة:الله الله بجد ٩١ الحمد لله.

لتقوم بمهاتفة والدة آسر

سديم:مباارك لآسر ياخااالتوووووووو.

والدة آسر بفرح:الله يبارك فيكِ ياسديم واعقبال ما اشوفك دكتورة كدة إن شاء الله.

سديم بفرحة :يارب إن شاء الله..امال فين آسر.

والدة آسر:خرج ما صدق النتيجة ظهرت وخرج.

سديم بضحك:سبيه ينطلق احنا كنا مسجونين..اعقبالى اما اخلص كدة وانطلق.

والدة سديم:إن شاء الله تخلصى على خير.

سديم:إن شاء الله.

والدة آسر:عاوزة حاجة.

سديم:عاوزة سلامتك.

والدة آسر مع السلامة.

سديم:سلام.

.............................. يتبع