الثالث عشر

2260 Words

_ملجأى.. _3 __________________ بعد سنتين و شهر... (طبعاً الحوار كله بالتركى) ....بالتركى_انسة نرمين فى شخص برا تبع الشركة إلى هتم للصفقة، يدخل.. رفعت راسى من الملف إلى كنت بقرأه و قولت_تمام ماشى دخليه.. طلعت السكرتيرة بتاعتى و بعد وقت دخل الشخص ده، و كل ده انا لسة مرفعتش راسى من الملف، قولت بالتركى_اتفضل حضرتك دقايق و هفضالك.. كان واقف شوية بعدين قعد لقيته قال بالعربى_طب بالله خلينا نتكلم عربى عشان هو الاصلى... ايه ده بجد الصوت ده مش غريب عليا، اه عدى سنتين بس عمرى ما انسى الصوت الى بدمنه ده، رفعت راسى و يا ريتنى ما رفعت راسى، لقيته هو ، ايوا هو بعد فراق سنتين قدامى اهو، ملامحه اتغيرت شوية للأحلى، دقنه كبرت شوية بس بردوا هيفضل قمر، طول شوية، ابتسمت لا ضحكت، و هو ضحك ضحكته القمر ديه، ادا بالله ايه الجمال ده، فضلنا نضحك و انا قعدت قدامه بالظبط على الكرسى، وقفنا ضحك... قولت بابتسامة_ياااااه اتغيرنا اوى.. ابتسم ابتسامه صغيرة و نظرة غريبة_فعلا اتغيرنا، انتى احلويتى كدا ليه يا بت.. ضحكت ب**وف الصراحة و بصيت فى الارض و قولت_ماشى يا عم، و انت بقيت قمر زيادة عن اللزوم.. ضحك و المرادى هو إلى ات**ف، قال_ اختفيتى ليه فجأة كدا و مقولتليش، اتصلت عليكى ياما ، و بعتلك واتس ياما، و على الايميل بتاعك و قفلتيه ليه كدا، و كمان اكتشفت انك مسحتى الواتس، ليه كدا هااا، مفكرتيش أن فى شخص عايز يسأل عليكى... فضلت بصاله شوية و قولت_انت اتجوزت و خلاص قولت انت هيكون كل اهتمامك على بيتك و مراتك، و انا حتى مش هيكون ليا الحق انى اكلمك، و لو كلمتك انت هتصدنى، خوفت بقا، و عشان كدا بعدت.. فاضل ساكت شوية بعدين قال و هو بيمسح شعره بإيده و يرجعه لورا_انا و روان أطلقنا من شهر، و كل واحد راح لحاله... شهقت و حطيت إيدى على بوقى و قولت_يا لهوى طلاق، ليه ايه إلى حصل، وصل أنكوا اتطلقتوا، ليه يا يوسف، و انت كنت لازم تتمسك بيها انت بتحبها... بصلى بأستغراب و قال_انتى زعلتى انا كنت مفكرك هتفرحى و كدا، انى طلقتها.. بصتله بعتاب_انا انا يا يوسف افرح لحاجة وحشة حصلتلك، ليه بس، انا عمرى ما افرح ابدا لضرر ليك عمرى يا يوسف، والله يا يوسف ربنا عالم انا بحبك قد ايه و بتمنالك الخير دايما... بصلى شوية بعدين ابتسم ابتسامة صغيرة_عارف علفكرة كل ده،(سكت شوية) بعدين قال_تعرفى احنا جبنا بنوتة.. فرحت اوى الصراحة و قولت_بجد يا يوسف، ايه اسمها ايه، و معاك صور ليها، بالله يا سيفو عايزة اشوفها.. ضحك و قال_اهدى أهدى، اسمها نيروز.. فرحت و قولت بأبتسامة_يا الله على الاسم القمر ده، ايه بجد تحفة اكيد هى قمر زى أبوها صح.. بصلى و ابتسم اووى، بعدين طلع تلفونه و ورانى فيديوهات و صور ليها_اهى يا نيمو، ديه بقا نيروز.. بصيت فى التلفون و حطيت أيدى على بوقى و انا ببتسم اوى_يا الله على الجمال بجد، ادا بجد ايه القمر ده، شبهك اوى يا يوسف، واخدة عيونك و ملامحك اوى، بجد قمااااار.. ابتسم و قال_انتى القمر والله.. بصتله و ابتسمت و مردتش، و عطيته التلفون، و قولت_طب يا يوسف، هى قاعدة مع مين انت و لا روان.. اتن*د و قال_معايا، هى روان مش عايزاها، لأنها ، لأنها طلعت بتحب واحد تانى و كان مسافر، و اول ما رجع بدأت تخلق مشاكل ياما اوى، و انا أعدى، عشان نيروز و كدا و عشان بيتى ميتهدش، بدأت تنام فى أوضه تانية، لحد ما انا إلى نفذ صبرى، و سألتها، و قالتلى أنها بتحب واحد تانى و من قبل ما انا أجى اتقدملها، و وافقت عليا عشان ابوها و أمها، اضطريت اسيبها، عشان مكونش فارض نفسى عليها، و انا مش بحب اتمسك فى حد مش عايزنى، و اول ما اتجوزت، جوزها مش عايزها ببنتها عايزها لوحدها، فسبتها عشانه، و هى أساسا مكنتش بتحب نيروز عشان منى كانت دايما، لما نيروز تعيط تتعصب عليها و تسيبها مكانها، ومرة ض*بتها ، شوفتى طفلة مكملتش السنة و نص، تض*بها ، و مرة سابتها لوحدها فى البيت و تفط كل الانوار، و نزلت ، فضلت تصرخ ، و الحمدلله انا جيت من الشغل بدرى، الله اعلم كان ايه إلى هيحصلها، شوفتى مرة ام بتكره بنتها للدرجة ديه... هو من اول ما بدأ يتكلم، و انا بعيط أساسا، بجد البنوتة الصغيرة ديه، عانت كتير اوى من امها، ايه ده ازاى ازاى بجد_ معلش يا يوسف، ربنا هيعوضك أحسن من روان ميت مرة، متزعلش، انت إن شاء الله هتقابل واحدة تحبك بجد، و تحب بنتك... بصلى شوية و قال_ما انتى اهو عوضى، بتحبينى، و إن شاء الله هتحبى نيروز.. ارتبكت و قولت و تجاهلت كلامه_احم لو سمحت يلا نبدأ شغل... اتن*د و قال_ تمام.. ____________________ عدت أيام ، و لازم انا و يوسف نفضل هنا فى تركيا لحد ما الشراكة ديه تتم و الاوراق و الملفات تكون جاهزة، و عرفت أنه اترقى فى شركته، و بقا يسافر، و الحظ أنه جاه هنا و كمان جاه فى نفس الشركة إلى انا فيها عشان الصفقة، بجد ايه ده ايه الحظ ده، و بدأنا نتقابل كتير، و نحكى لبعض زى زمان، و الحياة بقت قمر اهيه فى يوم كنا مع بعض فى كافيتريا على بحر شكله حلو جدااا، و كنا بنتكلم لقيته قال فجأة... من غير مقدمات_نرمين تقبلى تتجوزيني؟! _يتبع... _ملجأى.. _4.. فضلت ساكتة مش بتكلم ادا هو قال ايه بجد، هو قال يتجوزنى، هو فعلا قال يتجوزنى، حسى بجد انى مش قادرة اتنفس و متوترة، كان بصصلى بحذر، كان مستنى إجابة منى و لو صغيرة، بس أقول ايه انا بجد مش عارفة أتكلم، ايه ده بجد، طب اقول ايه، انا فعلا هوافق، بس انا مش عارفة أجاوب مش عارفة اتكلم، انا لو بغرق مش هتكون حالتى كدا ايه ده، أخيرا استرجعت نفسى و اتنفست جامد و قولت.. برقت_انت قولت ايه دلوقتي.. ابتسم ابتسامه صغيرة وقال بهمس_بقولك تتجوزينى.. بصيت الأرض_بجد مش مصدقه انت عايز تتجوزنى انا يا يوسف... غمزلى_ايوا يا قلب يوسف من جوا... ارتبكت و بصيت فى الارض تانى ايه ده هو قال أنى قلبه بجد، بصتله كتير و ساكتة، لقيته اتكلم و قال... و هو حاطط صوابعه فى بعض_بصى يا نيموو انا عارف إلى هقوله ده ممكن مترضيش بيه، بس انت فعلا من ساعة يوم كتب كتابى و انا مضايق و مخنوق و كنت عايز انهى الفرح ده بأى طريقة و أفضل معاكى مش عارف ليه الشعور ده كان مطردنى فى كل وقت من اول ما بدأت حياتى مع روان، كنت حاسس انى بخونها من تفكيرى فيكى، كنت طول الوقت أحلم بيكى، اقول فى نفسى ممكن ربنا يجمعنى بيكى تانى بعد ما أنا إلى ضيعتك و فى الاخر، و فى الاخر اقول هى هتوافق أكيد هى بتحبنى، انا عارف انك ممكن تبصيلها من جهة انا استحملت كتير اوى، كفاية لحد هنا، انتى أكيد هتقولى كدا بس انا بقولك أدينى فرصة، فرصة واحدة بس، و انا والله هعوضك عن كل حاجة وحشة و اى حاجة انا أذيتك فيها، مع أنى شايفك انك عوضى فى الدنيا ديه، عوضى عن غبائى، عوضى عن البنت إلى اتجوزتها و افتكرتها بتحبنى بس طلعت بتحب واحد تانى، انتى عوض بنتى إلى متأكد مليون فى المية انك هتحوطيها فى قلبك قبل عينيكى، عوض بنتى إلى مضقتش حبة حنية من أمها، إلى جبتها على الدنيا، بجد انتى عوض جميل و كبير كدا، مش حكاية والله شايفك بديل بس انا شايفك إلى هكون مبسوط معاها بقية حياتى، و انا والله هحاول أخلى الضحكة الحلوة ديه على وشك دايما، هحاول والله، انا و انتى هنكمل بعض، بس وافقى، قولتى ايه يا نرمين... بصلى و فى عيونه نظرة رجاء، بصتله و انا بفكر و قولت_بقولك متعرفش السفارة المصرية فين.. أستغرب و قال_بصى هو السؤال ده مش وقته خالص، بس اه ليه.. قومت من على التربيزة و قولت بسرعة_انت لسة هتسأل قوم بينا نروح نتجوز هناك حالا... برق جامد و ضحك و قال_اهدى أهدى يا مجنونه أهدى.. قعدت تانى بملل و فرح و انا ببتسم_يووووه بقا يا سيفووو هنضيع وقت تانى فراق تانى ليه.. ابتسم_ فراق ايه بس لا إن شاء الله مش كدا، انا بقولك أهدى عشان نتجوز فى بلدنا، أعملك خطوبة و فرح و تفرحى وسط أهلك و ناسك و أهلى و أقريبى فهمانى.. كشرت_انا مش عايزة كل دا كفاية عليا أكون فى حضنك و بس والله، انت و بنتنا الصغيرة، و بيتنا الصغنن دول احلى فرحة فى الدنيا بجد، انا مش هفرح قد ما أكون فى بيتك.. بصلى شوية و قال بأبتسامة_لا معلش بقا مقدرش، ده حقك، و مينفعش نتجوز من ورا أهلك لازم يكون بحضورهم ماشى يا نيمو.. ابتسمت اوى و قولت_ ماشى يا قلب نيمو من جواا يا ناااس.. ____________________ رجعنا بلدنا بعد ما خلصنا كل الشغل، رجعت وسط فرحة أهلى بيا بعد غياب سنتين، دموع الفرحة، صيحات من اول شارعنا لحد البيت، مع جملة بنت فلان وصلت بالسلامة، بجد انا للدرجادى كنت واحشة أهلى و قريبى و جيرانى، يوسف أتقدم ليا، و جاه لوحده، بس ديه كانت مقابلة تعارف يعنى لسة فى البداية... بعد كلام ما بين يوسف و بابا عن أحوال يوسف و حياته كانت ازاى و كدا.... بابا فضل بصصله شوية بعدين قال و هو مشبك إيديه ببعض_يعنى انت عايزنى أدى بنتى لواحد عنده بنت و كان متجوز، و طلق، و ده بقا عايزها ليه، عايزها تربيلك بنتك... يوسف بصله و انا كنت كل ده فى الاوضة إلى قدام الصالون و سمعاهم، و يوسف بصله شوية بعدين اتكلم_عمى، بنت حضرتك انا بحبها، و بحبها اوى كمان، انا هحوطها فى قلبى قبل عينى، و صدقنى انا مش جاى اتقدملها عشان تربى بنتى زى ما بتقول، لا انا بجد عايزها، عايزها مراتى، مش أكتر، و أنا مستعد أدفع المهر أى حاجة المهم تكون ليا و مراتى و فى بيتى.. ادا هو قال ايه قال بيحبنى لا لا لا نرمين متصدقيش هو عمره ما هيحبك انتى بتتوهمى، هو بس قال كدا عشان باباكى.. لقيته بابا ابتسم و فرد ضهره شوية لورا و قال_اممم و انا مهر بنتى هيكون مليون جنيه.. انا شهقت من ورا الباب من المبلغ ده ايه كل ده، لقيت يوسف بصله انا كنت بحسب ساعتها يوسف هيرفض أو يقوم يمشى بس الى عمله خالف توقعاتى... سكت شوية و قال_موافق يا عمى مليون جنيه كمان قليل عليها، و للمرة المليون بقول لحضرتك انا مستعد لأى حاجة، تطلبها.. بصله شوية و قال_انا كنت بشوف رد فعلك بس، ماشى يا بنى، هشوف رد العروسة ايه، وأردك عليك... مشى و انا كنت هموت من الفرحة، فجأة لقيت بابا ندانى و بيقولى عايزك، روحتله.... ___________________________ بعد ما حكالى كل حاجة، أنا اصلا عارفة الموضوع كله بس سبته يتكلم، و طبعاً قال وجهة نظره، لقيته قالى_هااا ايه رأيك. عملت نفسى بفكر و قولت بتلقائية_موافقة يا بابا انا مش هلاقى أحسن منه... بصلى بأستغراب و قال_نعم، انتى بتكلمى كأنك عارفاه من سنين... ارتبكت اوى بعدين فضلت ساكتة و قولت بتوتر_بص يا بابا يوسف ده انا عارفاه من أيام إعدادى و مكذبش عليك انا بحبه من يوميها معرفتش أطلعه من قلبى، فضلت أدعى أنه يكون من نصيبى، بس اول ما عرفت أنه اتجوز حسيت انى كدا خلاص حياتى انتهت أو باظت عادى الاتنين نفس المعنى، بس اول ما سافرت و لقيته هناك، هو أكيد قالك أنه كان معايا فى تركيا عشان الشغل، اتفجأت أنه قالى الطلب ده، بس فى نفس الوقت كنت هموت من الفرحة، انا عارفة يا بابا أنه عنده بنت، حضرتك متعرفش امها كانت بتعمل فيها ايه بجد، انا عوضهم يا بابا، انا عوض يوسف و بنته، انا اسفة يا بابا بس أنا موافقة.. بابا فضل بصصلى شوية بعدين قال و هو مبتسم_كبرتى يا بنتى، كبرتى يا نرمين، و بقيتى تختارى إلى يناسبك، كبرتى و بقيتى تحبى، كبرتى و شوفتك أحلى عروسة... بصله و حضنته و هو حضنى بردوا..... _____________________ كنا عند بتاع الدهب بنشترى الشبكة، و أتفجأت بالاسعار كانت غالية اوى، لوهلة كنت هقولهم مش عايزة شبكة خلاص، فضلت أشوف و إلى يعجبنى الاقيه غالى اوى مرة ب ٢٥٠٠ و ب٣٨٠٠ ايه ده بجد، ده كل ده دبلة بس يعنى... _نرمين إلى يعجبك قوليلى والله انا معايا فلوس متقلقيش.. بصتله و ابتسمت و مردتش و كملت تدوير سألت و انا برفع الدبلة_لو سمحت طب ديه بكام.. الراجل مط شفايفه و قال_اممم ديه أرخص واحدة فيهم ب ١٥٠٠ بس... ابتسمت و لبستها فى إيدى اليمين و جات مقاسى و قولت_ايوا ديه جميلة جدااا. يوسف كشر و قال بهمس_نرمين إلى انتى عايزاه خوديه، يعنى بالله ديه عجباكى، انتى شايفاها شكلها عامل ازاى و لا خفيفة ازاى، شوفى حاجة تانية... بصتله و ابتسمت_علفكرة بقااا عجبانى اوى، و ديه شبكتى و انا حرة أختار إلى انا عايزاه و ديه إلى انا عايزاها بس.. بصلى بعدم رضا و انا مهتمتش بنظراته و بصيت على دبلتى..... _____________________ كل حاجة عدت هوا خطوبة بعديها بأسبوعين كتب الكتاب، و النهاردة الفرح، ايوا فرحى على حبيب عمرى، بعشقه يا نااااس بجد، انا دلوقتى داخلة القاعة و القاعة كانت آية من الجمال بجد... قعدنا فى الكوشة و فضلوا يسلموا علينا و كدا، بعد ما سلمنا على كله و كدا و قاعدين فى أمان الله، قولتله بهمس_بقولك فى حبة بنات هنا جامدين و حلوين اختارلك واحدة يا برنس وانا هخليها تقعد مكانى هنااا.. بصلى شوية بعدين قال بأبتسامة_مش هختار عارفة ليه لانه مفيش أحلى منك هنا، انتى الاجمل و ربى.. ابتسمت و بصيت فى عنيه بفرحة كبيرة.. بعد وقت طويل من رقص و اغانى و تطبيل و هيصة ، كنا بنتزف فى الشارع و على باب العمارة، و احنا طالعين بيتنا، كنت مبسوطة اوى اوى خلاص هكون فى حضنه خلاص بجد حلم كان صعب اوى اوى.. طلعنا و وقفنا فى نص الصالة و انا ببص حواليا بأنبهار للشقة_حلوة اوى يا يوسف.. ابتسم و قرب منى و قال_اوعدك اول ما يكون معايا فلوس هجبلك أحلى منها و عفش و أجهزة جديدة كمان، لأن ده حقك... كشرت_أنت بتهزر يا عم أنت، لا طبعا مش عايزة ، ديه عجبانى اوى اوى... ابتسم على طيبة قلبها و رضاها، قرب منها أكتر و قال_فى كلااااام كتير لازم نتكلم فيه بس مش دلوقتى.. بهيام_أمال أمتى... _يتبع... مش معنى إنّك عانيت لفترة طويلة يبقى ربنا ناسيك وإن حظك هيفضل قُليّل من الدُنيا لأ خالص، دا العوض دايمًا بيبقى على أد الصبر، وصدقني ربنا عالم ب حالك وعارف إنتَ عانيت إزاي في حياتك، مسألة وقت والله وربنا هيراضيك، مرة كُنت قريت جُملة بتقول: "و يراك ترضى وتصبر فيُراضيك بما تتمنى" عشان كدا اِوعى تيأس لإنها هانت أوي وف*ج ربنا قرّب"

Free reading for new users

Scan code to download app

App Store Google Play

Facebookexpand_more