Chapter 24
Ksenia’s POV
Napangiti ako sa agad na pag-oo ni Lander. Pakiramdam ko, hindi lang mga labi ko ang nagdiwang, pati ang lahat sa akin. Binibihisan ko na siya sa isip ko. Bagay sa kaniya ang polo style t-shirt, naka-tock out sa black slacks nito at brown or black leather shoes. Napatango-tango ako na tila magaling na designer dito habang pinagmamasdan siya sa imagination pagsamba outfit nito.
“You look so cool and fresh, Lander,” ngiting-ngiti kong sambit. “Ang guwapo mo sa suot mo.”
“Huh?” Medyo nag-side siya ng mukha at muli akong binalingan sa naguguluhang ekspresyon. Ibinagsak niya ang tingin sa damit nito, pinagmasdan ito at inayos sa pamamagitan ng paghila-hila sa laylayan nito. “Well... Eh, thank you...” lito nitong banggit. “Nakagu-guwapo pala ang magsuot ng sweater?”
