Chapter 98
Ksenia's POV
"Kumusta naman po ang naging buhay ninyo rito, Mama Sela?" tanong ko rito pagkatapos kong lunukin ang nginunguya ko.
Hindi ko makuha kung para saan ang pag-aalalang nababasa ko sa mga mata niya. Nakapagpaubos naman kami ng paninda namin kanina... Ang mga natirang paninda namin ay binili lahat ni Ramces kanina kaya nakauwi kami nang medyo maaga-maaga.
"Hija, ilang linggo ka na ulit dito sa Romblon? Kailan na ulit ang uwi mo?"
Nagdahan-dahan ako sa paghahalo ng ulam ko sa kanin gamit ang kamay. Nakasimangot ko siyang tiningnan sa pagkakataong ito. Dalawang beses talaga kaming kumakain ng tanghalian dahil tuwing oras ng mismong lunch ay hindi kami nakakakain nang maayos dahil maraming customers sa puwesto.
"Isang linggo lang po... Pero bakit parang hindi kayo hap
