Chapter 56
Lander’s POV
“Hindi ko alam kung papaano kong maipapaliwanag ang mabagal na pagkalat ng cancer cells mo sa katawan sa loob ng tatlong buwan, Lander... Bukod sa mga gamot na inirekomenda kong inumin mo na hindi ko naman talaga tiyak kung ininom mo talaga ay wala na akong ibang maisip na dahilan sa magandang resultang ito...” tuwang-tuwa niyang sinabi habang manghang nakatitig sa resulta ng mga laboratory tests ko. “This is incredibly unbelievable, hijo... Kapag nagpasikat nga naman ang himala sa science, mas nakamamangha itong higit.”
Tumawa siya nang marahan, daglian akong nilingat pagkatapos ay muli ring tumingin sa mga dokumentong hawak.
Hindi ko magawang ibuka ang bibig para sabihin ang walang katumbas na sayang nararamdaman ko sa sandaling ito. Natutulala ako na hindi ko
