Chapter 110
Ksenia's POV
Dinala ako ni Lander dito sa condo niya nang sapilitan. Ngunit malas niya dahil kapapasok pa lang namin ay dumating si Kath. Itinago niya ako sa cabinet niya rito sa kuwarto niya at binilinang sasabihin niya kung kailan ako lalabas. Sumunod naman ako alang-alang sa mararamdaman ng asawa niya.
Sa maliit na siwang ng mga pinto ng cabinet ay napapanood ko kung ano ang nangyayari sa kanila sa labas. Nag-uusap sila nang maayos sa ibabaw ng kama hanggang sa lumapit si Kath sa kaniya at hinalikan siya sa mga labi.
Mabilis akong nag-iwas ng tingin at napalunok na lang. Para akong nahiwa sa puso sa nasaksihan pero nanatili akong kalma. Bumalik lang ang mga mata ko sa kanila nang tumayo si Lander at lumabas. Sinundan naman siya ni Kath doon. Pahina nang pahina ang tinig
