Chapter 19
Tin's POV
KASALUKUYAN na kaming naglalakad palabas ng resthouse, bitbit ang kanya kanya naming travel bag, at iba pang dala. Tahimik lang ako, habang naglalakad sa kaliwa ko sina Glenzyl, Christina, Hiro, habang si Xander naman ay nauna na sa sasakyan.
Dire-diretso lang ang tingin ko sa daan, nang maramdaman 'ko ang presensya sa kanan ko, kaya't mabilis ko itong nilingon, at bumungad sakin ang nakangiting si Hiro. “Tahimik ka ata? Mabigat ba yan?” nakangiting tanong nito, bago inginuso ang travel bag na bitbit ko.
Peke ko itong nginitian bago umiling. “Hindi naman. Kaya ko naman 'to.” sagot ko lang, na mabilis naman nitong ikinasalubong ng kilay. “Hay naku! Wag mo nga akong bigyan ng pekeng ngiti, akin na yan!” sabi nito, sabay sapilitang kinuha ang bag ko. Aalma pa sana
