VIZENCIO
Kahit pa alam ko na naiinis siya sa akin ay wala akong pakialam. Nakasunod lang ako sa kanya. Kaya nga ako nandito sa Hawaii dahil sa kanya. Kahit pa nasasaktan ako sa mga lumalabas sa bibig niya. Lalo na sa sinabi niya na baka last dinner ko na ito kasama siya.
“Hayaan mo na akong hawakan ang kamay mo. Baka ito na rin kasi ang huling beses na mahawakan ko ito.” malungkot na sabi ko sa kanya at hinila ko na siya papunta sa may restaurant.
Sakit kaya ng heart ko pero ayaw ko naman ipahalata sa kanya kaya naman mas pinili ko na lang na magkunwari na nakangiti habang nakatingin ako sa phone ko. Mukhang tanga na nga ako kasi pictures lang rin niya ang tinitingnan ko.
“Pagkatapos mo dito ay may pupuntahan ka pa ba?” tanong ko sa kanya.
“Iinom,” mabilis na sagot niya sa akin.
“I
