TAWAG ako ng tawag kay Archo pero parang wala siyang naririnig hanggang sa makasakay siya sa sasakyan at humarurot paalis. Hindi ko maiwasang mag-alala dahil nakainom na siya, baka mapano na 'yon. Wala akong number niya kaya 'di ko siya matawagan. Wala rin akong kilala na kakilala niya.
But I think kaya niya na ang sarili niya.
Bumalik ako sa loob at dumiretso sa VIP room namin. Kailangan talagang banggiting VIP, ano? Paghawak ko ng hawakan sa pinto ay kamay ang nahawakan ko. Tiningnan ko kung sino may-ari no’n.
Si Edrian.
Nasa likod niya si Gab.
"Ngayon ka lang bumalik? Ang tagal mo naman sa CR," tanong niya.
Bumitiw ako sa hawakan. Nandyan si Gab. Baka akalain pa niya, chinachansingan ko si Edrian.
"Ah nakita ko kasi si Archo," balewala kong sagot pero nagulat ako nang bigla niy
