PAPUNTA ako sa next subject at naglalakad ako sa tahimik na hallway sa 2nd floor ng Med Department Building. "Naku tigil-tigilan mo ako babae! Malala na 'yan Chrys ah, 'di na 'yan healthy. Dati pinagpapantasyahan mo lang si Clarence, ngayon inaangkin mo ng boyfriend? Ay aba, Chrys."
Malayo pa lang rinig na rinig ko na, kung 'di ako nagkakamali, ay 'yong kaibigan ito ni Chrys si Kyra. Pero kung hindi rin ako nagkakamali sa narinig ko, na sila na ni Clarence. Mula siya sa kabilang hagdan at tiyak magkakasalubong kami. Hawak niya ang cellphone, video call siguro.
"Alam mo kasi Chrys imposible 'yang sinasabi mo eh. Imposibleng maging kayo ni Clarence."
"That's possible," sagot ko nang magkalapit na kami.
"Ahh!" Sa sobrang gulat niya yata ay tumalbog ang cellphone niya and as a reflex actio
