Abala siya sa pag aasekaso ng mga nakikilamay nang pumarada ang sasakyan ng munisipyo. Kilala niya ang sasakyang iyon lalo at ilang ulit din na nagawi iyon sa kanilang bahay dati. Nagkubli siya sa isang bahagi, not exactly kubli dahil gumilid lang siya sapat lang na di siya nito makita.
"Mayor!"
Bati ng mga taong naroon, Mayor Benjamin Legarda, sino ba ang di nakakakilala sa lugar na iyon sa lalaki. Ito ang nakaupong alkalde ngayon sa lugar nila. Matagal din itong nanligaw sa kanya, kaya lang umpisa palang ay tinapat na niya agad ang lalaki na di siya komportable sa panliligaw nito.
Ang balita niya ay binata parin naman ang lalaki, pero may naanakan na ito dati. Halos makaladkad sa kontrobersya ang pangalan ng lalaki noong panahong iyon. Siguro kung pumayag siya na magpaligaw ay baka n
