Pagsapit ng mismong araw ng birthday ko, maaga pa lamang ay gising na ako. Naghahanda na rin agad sina Manang. Sina Belle at Juliana naman ay excited, nagtatanong din sila tungkol sa mga bisita ko.
Darating sina Senyora bago ang tanghalian. Ang party naman ay gaganapin mamayang gabi rito sa mansyon at noong nakaraan pa ngang araw nakaayos ang lahat, handang-handa na.
Hindi ko alam kung paano iyon nagagawa ni Senyora, na kahit malayo siya ay nasusunod ang bawat gusto niyang detalye para sa party.
“Nakatulog ka ba nang maayos, Deborah? Dapat ay maganda ang pakiramdam mo mamaya!” sabi nina Juliana at tinitingnan pa ang eyebags ko.
Natatawa naman ako. Parang mas excited pa sila.
“Oo nga, at saka baka mamaya ay maraming guwapo roon. Alam mo na, ‘yong mga anak ng mga kakilala ng mga Sa
