Noong natapos na ang mga klase namin, nagkaniya-kaniya na nga kami. Palabas na kami sa aming building at nahuhuli ako ng lakad, iniisip kung paano magpapaalam sa kanila na mauna na silang umuwi.
“Uhm... guys, mauna na kayo. May kailangan pa akong gawin,” saad ko noong sa wakas ay nakakuha ng tiyempo sa gitna ng usapan.
Napalingon sila sa ‘kin at medyo nagtataka. Ngumiti na lamang ako.
“May practice ka ulit?” tanong nila. Tumango na lamang ako para hindi na humaba pa ang paliwanag. “Oh, siya, mauuna na muna kami kung ganoon. Mag-ingat ka pauwi, ah!”
Tumango ako at kumaway na rin sa kanila. “Oo. Kayo rin...”
Nang makaalis na sila, nagtungo na ako sa swimming area. Medyo late nang natapos ang klase ngayon at medyo madilim na. Wala ring tao sa swimming area dahil iyong mga nasa highs
