Tiningnan ko ang oras sa relong pambisig habang naglalakad patungo sa kung saan ako palaging naghihilamos o naghuhugas ng mga kamay, sa handwash station. Noong huling beses na nandito kami ni Ford ay nag-away kami.
Noong nakita niya akong umalis sa canteen matapos dumating doon ni Allison!
Nakahalukipkip ako at iniisip ang kaniyang sasabihin. Hinanda ko na ang sarili ko sa matinding bangayan. Napailing-iling ako dahil ngayon, sigurado na akong galing kay Ford ang regalong akala ni Senyora ay galing kay Rafael!
Hindi nga ako nagkamali noong makitang nandoon na si Ford. Umalis siya sa pagkakasandal sa pader nang matanaw ako.
Masama ko siyang tiningnan. Nahiya ako kay Rafael dahil akala ko ay sa kaniya galing ang regalo at nagpasalamat ako. Baka ay iniisip nito na nag-assume agad ako
