Naging abala ako sa sumunod na linggo para sa paghahanda sa swimming competition. Hindi na rin kami masiyado pang nagkita ni Ford dahil busy rin siya. Hindi niya na rin ako masiyado pang kinulit at pinagpasalamat ko na lang iyon.
Kasama namin ang swimming coach namin sa San Luciera College na si Ms. Alma. Apat kami mula sa aming eskwelahan ang kabilang sa kompetisyon. Though, we will mostly compete individually at ita-tally ang score sa team.
“Malakas ang pakiramdam ko na marami ka na namang mabibinggwit dito, Deborah,” biro ng teammate ko.
Natawa na lamang ako’t nailing. Kararating lang namin dito sa venue. Naka-check in kami sa isang malapit na hotel kung saan kami tutuloy para sa apat na araw na event.
“Ang ganda naman kasi talaga ni Deborah. Kahit sa mga senior natin ay agaw-pa
