“May ikukwento ako mamaya...” sabi ni Marshiela habang nakatambay kami sa bleachers dito sa gymnasium. Naglalaro ng basketball sina Kuya Sean. Halos kumpleto sila roon pero wala si Ford.
Hindi ako interesado na manood sa kanilang paglalaro. Nakayuko lamang ako sa aking inaaral at ganoon din naman sina Tina at Princess. Si Marshiela lang ang animo’y tulala at kanina pa paputol-putol sa ginagawa.
Napatingin ako sa kaniya dahil sa sinabi niya. Hindi yata iyon narinig nina Tina at Princess dahil bukod sa abala sa pag-aaral ay mahina rin ang boses ni Marshiela, para bang hindi niya rin alam na nasabi niya nga iyon.
Pagtingin ko kay Marshiela ay nakatingin siya sa court. Binaba ko tuloy ang tingin ko roon at nakita kong nakatingin siya kay Kuya Sean.
Madalas ay nakangiti siya kapag ginag
