Palabas ako ng eskwelahan. Mag-isa lang ako dahil pinauna ko na sina Marshiela, Tina, at Princess. Hindi rin kami magkasabay ni Ford at wala naman kaming usapan para sa araw na ‘to. Parehas kaming busy at kakatapos ko nga lang sa mga inasikaso namin para sa panibagong school’s newspaper.
Yakap ko ang aking libro habang naglalakad palabas ng gate, at may hindi ako inasahang tao ang naroon. Napakurap-kurap ako at sinisigurado kung tama nga ba ako. Mayroong pamilyar na ginang sa labas lang ng gate, palinga-linga at tila ba may hinihintay.
“Nay Aurelia?” gulat kong usal.
Mukhang narinig ako nito. Nakita niya rin ako at nagtagal ang tingin sa ‘kin ni Nay Aurelia. Napaawang naman ang mga labi ko at sigurado ako, wala ngang iba iyon kundi si Nay Aurelia!
Nakasuot ito ng simpleng damit. Ma
