Saglit lang akong bumalik sa aming hotel room para makapagpaalam nang maayos kay Ms. Alma at para na rin kunin ang iba kong gamit. Mabuti na lang at hindi na gaano pang nagtanong si Ms. Alma sa amin ni Ford. Bukod pa roon ay paalis na rin sila para sa byahe pabalik ng San Luciera.
Pinaghintay ko na lang si Ford sa lobby. Medyo nagmadali na ako dahil ayaw ko namang paghintayin siya nang matagal. Hindi ko alam kung bakit aligaga ako, siguro ay dahil sa sobrang miss ko siya at nasasabik din akong makasama siya.
Pagdating ko sa lobby, naabutan ko pang may grupo ng mga babaeng magkakaibigan ang nakatingin kay Ford. They were smiling, at tila ba ineengganyo ang isang kasama na magtanong ng pangalan o kaya ay number kay Ford.
Hindi ko tuloy maiwasang mapanguso. Napakagat ako sa aking labi a
