مرات الظابط بقلم/نورا عبد الرؤوف

البارت السادس

الحلقه السادسة من روايه مرات الظابط بقلم نورا عبدالرؤوف

فى بيت هايدى

والده هايدى : انتى يابنتى مش عاوزه تروحى المدرسه ليه

هايدى بكذب : تعبانه ياماما ومش قادره اروح خالص

الام : حتى الدرس مش عاوزه تروحي

هايدى : ايوه ياماما مش قادره

الام : بس انا شيفاكى حلوه مفكيش حاجه

هايدى لسه هترد الباب خبط

الام : قومى شوفى مين

هايدى : حاضر

قامت هايدى تفتح الباب لقت مريم

هايدى بصدمه : مريم فى ايه يامريم

مريم : انتى اللى فى ايه اترفدتى من المدرسه ليه

الام سمعت وقالت : اترفدتى ليه وعملتى ايه ياهايدى

هايدى وهى بتجز على اسنانها بسبب مريم : عشان واحده صاحبتى اتخانقت مع واحده فادخلت انا ونور فاترفدنا احنا الاربعه

الام بزعيق : وانتى تتخانقى ليه انتى مالك

مريم : طب معلش ياطنط خلاص هى كانت خايفه على صاحبتها

الام : طب مانتى اهو ماتخنقتيش ليه

مريم : انا والله مكنتش موجوده فى المدرسه اليوم ده معلش ياطنط سامحى هايدى

الام : تمام ياحبيبتى اتفضلى اتغدى معاها

طلعت الام من الاوضه

هايدى بعصبيه : انتى مجنونه ازاى تيجى هنا وامى اصلا مش عارفه حاجه

مريم : انا اسفه بجد مكنتش اعرف انها متعرفش حاجه

هايدى : خلاص يامريم .. روحتى الدرس انهارده

مريم : اه .. انا همشي عشان اهلى ميقلقوش عليا

هايدى : تمام

" نقف هنا شويه عشان نعرف شخصيه ، مريم شخصيه طيبه بغباء ول**نها طويل ودبش اوى فى كلامها ، هى قصيره وجسمها كيرڤى وبشرتها قمحيه نكمل بقا"

نورهان بترن على نور

نورهان : الو ازيك يانور عامله ايه

نور : الله يسلمك بخير الحمدلله انتى عامله ايه

نورهان : تمام الحمدلله ، نور انا بجد اسفه انتى ملكيش ذنب واترفدتى من غير ماتعملى حاجه

نور : انتى يابنتى بتتأسفى ليه مفيش حاجه عادى انا كده كده مكنتش حابه اروح المدرسه اهى جات من عندهم ?

نورهان بضحك : ههههههه بس برده يانور هتكلم ازاى معاكى انا م**وفه

نور : ياستى ولا م**وفه ولا حاجه

نورهان : طب اهلك يعرفوا

نور : ايوة بس عادى ياستى متشغليش بالك انتى قولتى لحد من اهلك

نورهان : ايوه ماما واختى بس اللى عرفوا نور : تمام ، متعرفيش هايدى عامله ايه

نورهان : كلمتها مكنتش قايله لحد بس جات بنت اسمها مريم وقالت قدام مامتها وعرفت

نور : طب اللى اسمها مريم دى قالت ليه

نورهان: مش عارفه هى بتقول مكنتش قصدها

نور : تماام ، عايزه حاجه

نورهان : شكرا يانور مع السلامه

نور : باى

وانتهت المكالمه والحلقه ......

#نووووووووووووووور