"Bakit ka humihingi ng pasensya sa akin?" sagot sa kanya ni Juancho.
Nang magsimulang mag- usap ang dalawa, hindi na ako nagbalak pang istorbohin sila. Nanatili lamang akong nakatayo sa kanilang likuran at handang pagmasdan lamang sa kapatawarang ginagawa nila.
Hindi lumingon si Enrique kay Juancho nang sabihin niya ang katagang iyon, bagkus nakatulala lamang siya, samantalang si Juancho naman ay agad na lumingon sa kaniya.
"Wala. Kasi hindi kita pinansin at sobrang nagalit ako sayo... kaya ayon nalagay ka pa sa pahamak."
Napayuko si Enrique nang bigkasin niya ito, at halata sa kaniya na labis siyang nagsisisi sa kaniyang ginawa laban kay Juancho, kahit pa hindi naman ito ganoon kabigat.
"Kung tutuusin, ako ng dapat ang humingi sayo ng kapatawaran dahil sa pambubugbog ko sayo. Naiinti
