"Nasaan na ang anak ko?! nasaan na si Samantha?!" hindi halos nakagalaw si Cecilia sa kanyang kinakatayuan lalong-lalo na ng hawiin siya ni Nathalia at dali-dali itong pumasok sa loob ng gate.
Nanghihina siya, hindi siya makaimik habang ang bilis ng kabog ng kanyang dibdib. Hindi dahil sa nasisindak siya nito kundi natatakot siya sa maaring mangyari ngayong araw na ito.
Ang araw na kinakatakutan niyang mangyari ay ang mismong araw na pinakaaabang abangan niya para sa paghahanda ng kaarawan ng bata. Ngunit ngayong araw din ata ito babawiin ng kanyang ina.
"Agos?! nasaan si Sam?! ilabas niyo siya!"
Tila sumunod ang kanyang katawan at sinundan ang babae na sumisigaw habang papasok sa bahay nila. Gusto niyang kunin si Sam at itago pero alam niya na hindi niya iyon magagawa dahil wala din
