Hindi mapigilan ni Cecilia ang sariling mga luha habang pinagmamasdan ang bata na mahimbing na natutulog. Natapos na ang ilang test na ginawa kay Sam at hinihintay niya na lang ang mga resulta. Hanggat hindi niya nalalaman na maayos ang kalusugan nito ay hindi siya mapapakali.
Mag a-alas dose na ng madaling araw ng isugod niya ang bata, hindi siya mapakali sa pamamaga ng likuran nito. Dahil kahit paulit-ulit niyang tanungin ito ay hindi ito sumasagot sa kan’ya.
“Kamahalan,"
Agad siyang napatingin sa doctor na pumasok sa silid nilapitan niya ito at natataranta ng malaman ang lagay ng bata.
"Marj, kamusta siya? maayos lang ba si Sam?" tanong niya pa kay Marj na isa sa mga makabagong baabilan ng Salinlahi. Ito ang itinalagang doktor para sa mga maharlika, kagaya na lamang ni Samantha.
